RENUNSIA DI DIREITUS DI RÉU 

NUMÉRU DI PRUSÉSU 

Tribunal di Justisa di 

NÓMI NA KAZU: 

VS. 

Massachusetts     

Tribunal Superior 

NÓMI DI TRIBUNAL I NDERÉSU 

Skrivon di 
Tribunals 

Kondadu 

Es traduson ta sirbi sô pa referénsia. KA ntrega-l pa Tribunal. 11/22/2022 

N konbersa sobri kazu(s) mensionadu li di riba ku nha adivogadu. N ntende ki na oferese diklarason di kulpadu, N sta renunsia kes sigintis direitus 
konstitusionals i legals: di ser julgadu pa un juri, ô pa un juis(za); pa konfronta i interoga tistimunhas; pa aprizenta nhas propi tistimunhas i 
aprizenta próva na nha diféza; pa mante en silénsiu i afirma priviléjiu di ka inkrimina nha kabesa; pa ser prizumidu inosenti ti ki N provadu kulpadu 
pa alen di kalker marjen di duvida; i pa pursigi kalker pruposta na nha kazu. N ntende tanbe ma N ta renunsia direitu di apela kalker disizon ki dja 
foi tomadu pa tribunal, aménus, ki pur akordu skrita entri mi ku prokurador, arkivadu na tribunal, N ten rezervadu direitu di apela di kalker disizon ô 
disizons spesifiku ki, si el anuladu na apelason, el ta bira kazu di Commonwealth nau válidu na un ô más akuzasons. 

Nha adivogadu(a) dja aviza-m di naturéza i iliméntus di akuzason(s) ki N sta oferese nha diklarason di kulpadu, i di naturéza i alkansi di posível 
péna(s) na kes akuzason(s), inkluindu másimu sentensa(s) posível, kalker sentensa(s) minimu obrigatoriu ki pode aplika, rezultadu si liberdadi 
vijiada ser aplikadu i kes kondisons violadu i kalker pena diferenti ô adisional di infrasons subsekuentis. 

[MARKA SI KEL-LI TA APLIKA]  N foi avizadu di kel lei di dilinkuenti abitual i di rezultadus di N diklara kulpadu di kes akuzasons atual. 

[MARKA SI KEL-LI TA APLIKA] N foi avizadu ki pur ter diklaradu kulpadu di kes akuzasons atual, N pode sta sujeitu a julgaméntu 
komu un pesoa seksualmenti prigozu i obrigadu pa rejista komu un agresor seksual. 

N foi avizadu di kel rekumendason di sentensa ki ta ser fetu pa prokurador. 

Nha diklarason di kulpadu ka é un rezultadu di N ser forsadu, amiásas, garantias ô di promesas. N disidi diklara kulpadu voluntáriamenti, i di livri 
vontadi, i nau ku orientason ô pur kauzâ di rekumendason di otu pesoa.   

N sta konvensidu ki nha adivogadu(a) di diféza reprizenta-m di manera efisienti i konpitenti. N tevi tenpu sufisienti di pâpia ku el sobri kalker 
posível diféza ki N pode ten pa akuzasons ki sta indikadu li di riba i el splika-m rezultadu di nha diklarason di kulpadu i renunsia di kalker direitu 
konstitusionals ô legals. 

N ka sta nes momentu na, ô sob influensia di, kalker dróga, medikaméntu, álkuol ô otus intoxikanti ô kalmanti ki ta podia afeta nha kapasidadi di 
ntende konpletamenti kes direitus konstitusionals i legals ki N ta renunsia óras ki N diklara kulpadu. 

N ntende ma si mi N ka é un sidadon di Stadus Unidu, un kondenason na kazu(s) ki sta mensionadu li di riba, pode rezulta na nha diportason, 
proibison di entrada na Stadus Unidu, ô negason di naturalizason. 

Data 

Inprimi Nómi di Réu 

Sinatura di Réu 

APROVASON DI ADIVOGADU(A) DI DIFÉZA 
N ten konbersadu ku nha klienti tintin-pa-tintin sobri próvas na es kazu i rekumendason di diklarason, i N ten avizadu Réu sobri tudu asuntu ki sta 
dentu di stenson di Régra 12 di Régras di Prosésu Kriminal di Massachusetts ki é pertinenti a diklarason di Reu, inkluindu ter informadu Reu di se 
direitus konstitusionals i legals, bazi konkrétu i naturéza i iliméntus di krimi ki diklarason di kulpadu sta ser oferesedu, kes posível difézas i 
rezultadus di diklarason di kulpadu. 

Dipôs di ter splikadu pa Reu kel ki sta li di riba, N sta konvensidu ki Reu ntende nha splikason i rezultadus di se diklarason di kulpadu. Alen di kel-
la, N sta konvensidu ma Reu ka sta sob influensia di ninhun dróga, medikaméntu, álkuol, ô otus intoxikanti ki pode afeta se kapasidadi di ntende 
konpletamenti tudu kes direitus konstitusionals, legals i/ô otus direitus ki Reu ta renunsia pa oferese diklarason di kulpadu pa kes akuzason(s) 
indikadu li di riba. 

N ta diklara pa Tribunal ma Reu sina es dukumentu na nha prizensa di livri vontadi i voluntáriamenti. 

Data 

Adivogadu pa Reu 

Nunbru di BBO 

Revizadu 9/7/2022